Har ik chiragh ki low

Har ik chiragh ki low aesi soi soi thi
Wo shaam jaise kisi se bichar k roi thi

naha gaya tha mein kal jugnuwo ki barish mein
wo mere kandhe pe sar rakh k khoob roi thi

qadam qadam pe lahoo k nishan kaise hain
ye sar zameen to mere aansouwn ne dhoi thi

makaan ke sath wo poda bhi jal gaya jis mein
mehekte phool the phoolon mein ek titli thi
'Bashir badar Poetry'

Bashir badr poetry

Dard ke naghme baras gaye

Tootay hue sitaar ke sab taar kas gye
barish hui k dard ke naghme baras gye

kesi siyaah raat thi dehleez par khari
wo muskara diye to ujalay baras gye

shadabion ke dor ka anjam ye hua
ab ke to boond boond ko darya taras gye

ab khaak ur rahi hai gulabo'n ke sheher mein
wo loo chali hai ab ke ke pathar jhulas gye

ghar se khuloos kia gaya sab kuch chala gaya
bato'n mein ras nahi raha haatho'n ke jas gye

aalam nein intakhab thay kuch log sheher mein
koi to kuch bataye kaha'n jake bas gye
'Bashir badr-Urdu shayari'

Bashi badr poetry

Yunhi be sabab na phira karo

Yunhi be sabab na phira karo koi sham,ghar bhi raha karo
woh ghazal ki sacchi kitab hai, usse chupke chupke parha karo

Koi haath bhi na milaega, jo gale milo ge tapaak se
ye naye mizaj ka sheher hai zara faslay se mila karo

abhi raah mein kai mor hain koi ayega koi jaeyga
tumhen jis kisi ne bhula dya usse bhoolne ki dua karo

mujhe ishtehar si lagti hain ye mohabbato'n ki kahaniyan
jo kaha nahi wo suna karo jo suna nahi wo kaha karo

kabhi husan parda nashee'n bhi ho zara aashqana libas mein
mein jo bun sanwar ke kahin chalu mere saath tum bhi chala karo

nahi be hijaab wo chand sa ke nazar ka koi asar na ho
usse itni garmiye shoq se badi der tak na taka karo
'Bashir badr Urdu Shayari'

Bashir badr

Mujhe pagal kar do

Aag lehra kar chali hai, usay sandal kar do

tum mujhe raat ka, jalta hua jangal kar do

chand sa misra akela hai mere kagaz par
chhat pe ajao mera sher mukamal kar do

mein tumhen dil ki siyasat ka hunar deta hu'n
ab ussay dhoop bana do mujhe pagal kar do

apne aangan ki udasi se zara baat karo
neem ke sookhe hue per ko sandal kar do

tum  mujhe chhor ke jao ge  to mar jaon ga,
yoo'n karo jane se pehle mujhe pagal kar do
'Bashir badr Shayari'

Bashir badr